油塘站系港鐵觀塘線同埋將軍澳線嘅一個反方向跨月臺轉車站，喺九龍觀塘區油塘，由2002年8月4號開始啟用。本站亦系最接近東區海底隧道嘅鐵路車站，亦系將軍澳線中唯一一個位於九龍區車站。本站設有四個月臺，所有月臺都設有月臺幕門。本站用鮮黃色做主要色調。雖然本站屬於地面車站，亦同時系觀塘線唯一一個純地面車站，但系為咗避免對附近居民造成滋擾，成個車站俾石屎封住，令裏面嘅人以為身處地底。